YƆƆ 15
Leera Jizɔs!
-
1. Uɛ yɔɔ aābu nyiɛ a,
Leera i Mɛnɛ Jizɔs.
Ye biaɛ lu lo a kaāna;
Sa e nua nage leelee.
A wereloo dɛ̄dɛɛ̄ nɛɛ
Sa nɛ ka bee Bari,
Bari aaloo i pɔrɔ
Tɛ̄maloo ye le Nwiī.
(KƐRƐ)
Uɛ yɔɔ aabu nyiɛ a
Leera i Mɛnɛ Jizɔs!
Jɛhova tɔ̄ ye nɔɔ̄ bee
Sa e bɔātɛ̄ lo e bɛɛ!
-
2. Jizɔs lu i nɛɛ kpɔā,
Dooraa mɛ i leera ye.
A ɛp dɛ̄dɛɛ̄ pya ye nɛɛ;
A u lokwa i tɔɔ̄ dum.
Ye bɛbɛɛ ekwa nyɔuwe,
Sa nyɔuwe ekpedɛɛ̄.
Ilii Mɛnɛ ka bɔloo
I gaa le leera ye.
(KƐRƐ)
Uɛ yɔɔ aabu nyiɛ a
Leera i Mɛnɛ Jizɔs!
Jɛhova tɔ̄ ye nɔɔ̄ bee
Sa e bɔātɛ̄ lo e bɛɛ!
