JUE 18
E si e ti kpɔlɛ tɛ’n i su ye
-
1. Ɲanmiɛn Zoova andɛ,
e kwla su wɔ afin
A kleli kɛ a klo e,
klolɛ sɔ’n le’a wunsu.
A fali ɔ Wa’n mannin naan
e ɲan nguan.
Like nga a yoli i lɛ’n,
ɔ leman wunsu.
(I SU SƆLƐ)
Ɔ fɛli i nguan’n deli e.
I mmoja’n ti’n, ɔ yoli ye.
É tú e klun,
é yó wɔ mo, é yó wɔ kwla lele.
-
2. Zezi Klist yili e ti tɛ
i klunklo su.
Klolɛ su ɔ fɛli i nguan’n
fa toli e ti.
Ka naan w’a ba’n, e leman sran
fi deman e.
Siɛn’n e si kpa kɛ é ɲán nguan,
wie’n le’a kwlalɛ kun.
(I SU SƆLƐ)
Ɔ fɛli i nguan’n deli e.
I mmoja’n ti’n, ɔ yoli ye.
É tú e klun,
é yó wɔ mo, é yó wɔ kwla lele.
(Nian Ebr. 9:13, 14; 1 Piɛ. 1:18, 19 nun wie.)
