Kʼa muiˬ liꞈ 18
Htaiˍ hkʼawꞈ ve gu teh laˇ ve awˬ bon uiˍ jaˇ
-
1. Yaˬhoˉvaˬ oˬ ngaˬ hui
Nawˬ mehˆ gʼuˇ suhˍ huˉ chehˇ.
Nawˬ haꞈ pehnˇ ve hpeuꞈ maw laˇ,
Teˇ ceuˬ kaꞈ tehˆ maˇ gʼa.
Ngaˬ hui ponˬ tuˬ,
Nawˬ haꞈ jaˇ ve yaˇ paˍ peꞈ laˇ.
Laꞈ shawnˍ chi ve aꞈ kehˉ daꞈ ve
Teˇ ceuˬ kaꞈ maˇ cawˬ.
(Kʼawꞈ kʼa kuiˬ)
Ngaˬ hui ponˬ tuˬ, a shaꞈ peꞈ laˇ.
Yeˍsuˆ awˬ suhˍ awˬ hpfuhˇ hkʼaˆ jaˇ.
Ngaˬ hui nyi ma hkʼa peu˗eˬ
Co co taiˍ taiˍ nawˬ htaꞈ chiˇ mvuh.
-
2. Chi lehˬ Yeˍsuˆ
Ha lehˬ ve hkʼaw tanˇ laˇ ve yoˬ.
Yawˇ biˇ ve a shaꞈ awˬ hpfuhˇ
Ngaˬ awˬ pon shaiˍ ve yoˬ.
Yawˇ maˇ laˬ kʼo,
Ngaˬ hui dawˇ law kuiˬ maˇ cawˬ gʼa.
Awˬ tehˬ ve a shaꞈ ca mawˬ leh
Ngaˬ hui maˇ gʼa suh.
(Kʼawꞈ kʼa kuiˬ)
Ngaˬ hui ponˬ tuˬ, a shaꞈ peꞈ laˇ.
Yeˍsuˆ awˬ suhˍ awˬ hpfuhˇ hkʼaˆ jaˇ.
Ngaˬ hui nyi ma hkʼa peu˗eˬ
Co co taiˍ taiˍ nawˬ htaꞈ chiˇ mvuh.
(Heˍ 9:13, 14; 1 Peˍ 1:18, 19 kaꞈ nyi sheˍ.)
