گیت نمبر 18
فدیے لئی احسانمند
(لُوقا 22:20)
-
1. تیرے اَگے جھکاؤندے سِر اَے یہوواہ
تیرا پیار اتھاہ
رحمت تیری ہے بےشمار
تُوں پیارا پُتر دے
بچا لئی ساڈی جان
پا دِتی جھولی خیر رب تُوں
تیری اُچی شان
خود نُوں مسیح نے واریا
لہو بہا کے تاریا
جد تیک جہان
بُھلاں گے نہ کدی تیرا احسان
-
2. آیا اَگے یسوع لگائی موت گلے
منیا عزیز سانوں
ساہواں توں وی پیارے
امید نہ سی کوئی
نہ سی کوئی پتوار
کرایا موت دا ساگر پار
ایہی تیرا پیار
خود نُوں مسیح نے واریا
لہو بہا کے تاریا
جد تیک جہان
بُھلاں گے نہ کدی تیرا احسان
(عبرانیوں 9:13، 14؛ 1-پطرس 1:18، 19 نُوں وی ویکھو۔)
