1. Siɛ kpa Zoova m’a o nglo lɔ’n,

Kɔnguɛ cinnjin kpafuɛ’n w’a ju!

Blɛ sɔ’n nun’n a yili ɔ klɔ sran’m be klolɛ’n,

Nin ɔ ngwlɛlɛ dan’n be nglo weiin.

Delɛ cɛn bua’n sasali ɔ nvle’n,

Yɛ ɔ sran’m be fiteli nun.

I sin’n, e Min’n guali i mmoja’n i ase

Naan ndɛ nga a kannin’n ɔ kpɛn su.

2. Kpanwun’n nin nzan’n ti maan e wla kpɛn

Like dan mɔ a yoli’n su.

Ɔ Wa mɔ a fa mannin’n ti’n

e kwla ɲan ye.

Wie’n nuan bɔɔ’n i ɲin yili wɔ.

E wla kpɛn like cinnjin sɔ’n su.

Kɔnguɛ nga é lá ɔ ase

Wafa nga ɔ Wa’n i wie’n

ɔ kpɔ e ti mɔ

E ɲan e ti wie’n i sa nun’n ti.

 3. E kwlaa y’a yia ɔ ɲrun wa andɛ.

A yiali e yɛ e bali.

Sran klolɛ’n ti a sunmannin Klist.

I sɔ’n ti’n

É mánmán wɔ nin ɔ Wa kpɛn’n.

Aɲia cinnjin sɔ’n yi ɔ ayɛ

Yɛ ɔ yo maan e ɲan awlɛn.

I ti’n é nían Klist i ajalɛ’n su cɛn kwlaa,

I liɛ’n é ɲán anannganman nguan.