1. Yaweh Nsi, Tà yag mve kamànyam,

Yenni bʼa taʼ tèttsweʼ nelàn!

A naʼ bʼa, tà fe mbwe, o loʼ mfiʼ nelaʼde

Ngùʼ, zenu, nkôni, nunetsine.

Njùmbwe Pasa naʼ mbèn mfà tshètte,

Benntùn tsʼo kô là tum ndà nkuan.

Nguʼ nguʼ tôg, Tshùaben sweʼ num tshaʼ mfètte lem tse

Nedù ntshob ndàmnjù Nsi seʼ bumde.

2. Bàn bo nduʼ tshwèt ngù mbe bag kwimde,

Ju tanjoñ zʼo bé netshuʼ yag.

Mba mbwô tshu tsʼo naʼ ngù

Ntshùade num nkwi mén o,

Zʼa juʼ ntshu tà nkum mba mbwe vù.

Bag tshwèt nze yen léʼnjù nekwimde;

Mvetnjù li bag bin tshwèt nkwade

Mba vù Kristô Mén o

naʼ mbé ju tshuʼ sʼa loʼ

Netshuʼ yag ntshu vùkob ndùlala.

 3. Bag tamde nseʼ nkùmde mbwe o Tà.

Bag seʼ à mba o tsiañ yag là

Nenyàmde nkôni mu zʼa ghù

o tum Kristô

Mbèn mfà nkuʼni wù bo Mén o.

Yen jujù Tshùaben tshwèt nkuʼni o

Nso kù num nkwade boa ntù tshag.

Bag loʼ mfiʼ nebét kuzin Kristô njoñ léʼ fa,

Nejù bin yôg matmat ndùmànyam.