1. O amon Amay nga Jehova,

Balaan ini nga gab-i!

Sadtong madugay na, imo ginpakita

Ang imo daku nga gugma.

Kordero sa Paskua nag-amlig,

Kag katawhan mo nahilway.

Sang ulihi dugo ni Jesus ginhalad

Sa pagtuman sini nga tagna.

2. Yari ang tinapay kag alak,

Sa amon ’gapahanumdom,

Nga daku ang bili nga imo ginbayad

Agod katawhan magawad.

Memoryal amon saulugon,

Gab-i nga dapat dumdumon.

Kabuhi ni Jesus sa amon nagtubos;

Madula na ang kamatayon.

 3. Jehova kami nagatipon,

Imo pangagda ginbaton.

Para padunggan ka sa imo nga gugma,

Kag imo Anak dayawon.

O Dios, sa sining Panihapon

Amon ka nga himayaon.

Dalanon sang Cristo amon gid nga sundon,

Para magkabuhi sing dayon.