1. Jeová Deus, n’es noti sagradu,

Nu ta lenbra di bu amor,

Sima kantu bu da salvason, ó Jeová,

Pa libra‿Israel di ses dór.

Ku sangi di un sakrifisiu,

Es sai livri, bu liberta-s.

Monti anu dipôs Kristu móre pa nos,

I se sangi ta bale‿inda más.

2. Kel vinhu ku pon ta lenbra-nu

Di bu sakrifisiu pa nos,

Di bu Fidju lial,

ki libra-nu di mal,

I di grandi‿amor di nhos dôs.

Es noti nu sta komemora,

Ku‿amor i ku txeu gratidon,

Pa nu lenbra valor

ki bu da pekador,

K’é pa nu pode ten bu perdon.

 3. Jeová, nu seta-u bu konviti,

Nu sta djuntu pa nu lova-u.

Nu ta da txeu valor

pa bu grandi amor.

I nos korason krê onra-u.

Es dia ta traze-u txeu glória,

El ta toka nos korason,

El ta pô-nu ta krê obi Kristu ku fé

Ti k’el traze-nu nos salvason.