1. Chɛhowa Finya naa hoo choo choo,

Ŋ mel num chuɛllɛŋ balikaa!

Paandu pa num chɔm ni maa a nɔ bɔɔ kaalaa

Sandei, a taasioo, a kpaayaa.

Mi wanaa numnda ndaa dii chɔluaa

Le ma mal nda le yɔŋ wɔɔŋndo.

Okoŋ kɔɔli, mi Po numndo huŋ wu le naa

Le mi nyɛ ŋ soo wo o peeluŋ.

2. Beediiyo muɛiyaŋ ma loonuŋ naa,

A baŋa num sɔvɛ sɔviɔɔ.

Ma yɔŋgu Po numndo

le mbo huŋ baŋa naa,

Mbo diikuŋ num le hei tosaa.

Ŋ naŋ kɔl le miŋ loonuŋ a hei.

Lelaŋ naŋ hiŋ chuɛllɛŋ naŋ ni

Piɔm Po numndo tosa

miŋ sɔla tiindaŋndo,

Le fulaa hakioo niŋ a piɔmndo.

 3. Ŋ chuuŋgiaŋ hau num lachi chuɛllɛŋ,

Num veelu naa diompilɛ ni.

Miŋ mel num balikaa

le kaala numndo hoo,

Ma yɔŋ Po numndo le naa kpou.

Le hei, mɛɛ miŋ saŋgala num tau,

Miŋ sim yi le num waa piɛiyo.

Miŋ tosa nyɛ o nyɛ Chiisu o dimul naa,

Miŋ huŋ sɔla yoomu fafɛɛŋndo.