1. Zeova, tõnd Wẽnnaam sẽn be saasẽ,

rũndã yaa ra-kãseng tɛkẽ.

Tẽegda tõnd pĩnd wẽndẽ fo sẽn fãag f nebã,

n wilg f nonglem la f pãngã.

Daar ning bãmb sẽn maan pipi Pakã,

yɩɩ ne pe-bil zɩɩm la f fãag-ba.

Rẽ poore yaa f Biigã meng n wa tẽng zugu,

n kõ a vɩɩm n na n fãag ninsaalbã.

2. Burã ne dɩvẽ wã tẽegda tõnd

tɩ yaoodã sɩd yɩɩ kãsenga.

Fo sẽn kõ f Bi-nongrã t’a wa ki tõnd yĩngã,

yaa kũun t’a yõodã yɩɩd bũmb fãa.

Tõnd fãa sẽn wa ka rũndã daarã,

yaa sẽn na yɩl n pʋʋs barka,

la d tẽeg bũmb ninga fo sẽn maan n kõ tõndo,

tɩ d tõe n wa paam d mens ne kũumã.

 3. Zeova, tõnd fãa sẽn be fo taoorã,

Yaa foo n bool tõnd tɩ d sak n wa.

Bala tõnd nanda foo ne f Biigã sẽn maanã,

n dat n pẽg foo rẽ yĩnga.

Bɩ zaab-kãngã tẽegrã tall barka,

n waoog foo la keng d tẽebã.

Bɩ f sõng tõnd tɩ d tũ Krisã naoor daar ne a to fãa.

Rẽ la d na n wa paam vɩɩm sẽn kõn sa.