1. Jɛhova o lu ilii le Tɛ,

I gbī edoo a yaa aā nyiɛ!

Nyɔnɛbee oo i lɛɛbaloo bie bu pɔrɔ

O tɔgɛ i o wereloo.

O lu Bari a ɛrɛ toesaɛ̄,

I pɔrɔ elua elog lɛɛ.

I ɛrɛ bɛābu lo etɔɔ̄dum a naa tah

Tɛ̄maloo waara zɔɔ Kraist Jizɔs.

2. Sɔ̄ o Nwiī bee lu a kɛnɛkɛ̄,

A bee gbaɛ̄tɔ̄ dɛ̄dɛɛ̄ o lok.

A bee tɔgɛ nage

pya a wee ye nyɔɔnɛ,

Kɔ ba’a wee nyɛŋiabu ye luh.

I gaa nyɔɔnɛ edoba Jizɔs;

Doonu ama ɛɛrɛ i bu

Sɔ̄ i kɛɛrɛbu loo

nu o Nwiī bee tɛɛ̄ bu

Ii le’ ɔbɛ edoo nu o kɔ.

 3. Dɛ̄dɛɛ̄ ii lu wee kɔ ɔɔyaage.

Nyɔɔ le nu Jizɔs i doo loo​—

A kumaloo ye kɛ̄

sa lu wee e kpɔā i

A sikɛ̄ su dum i nua loo.

I lu wee nyɛŋiabu lo kɛ̄tɔɔ̄

Dookɛ̄ Jizɔs bee kɔ i doo.

Nyɔɔwo yerebah i nɛ lokwa ii peere,

Dum a naa tah o yira i nɛ.