1. Jehova, ons himlischa Voda,

dit es eene gaunz heilje Nacht.

Waut du lang trigj mol deetst, daut bewees diene Leew,

Jerajchtichkjeit, Weisheit un Macht.

Krakjt dan fieed dien Volkj mol daut Passa;

du muakst an vom Sklowendeenst frie.

Lota kjeem dan ons Har, jeef sien Bloot fa ons han;

daut wia krakjt, waut daut Passa bedied.

2. Daut Broot un de Wien halpt ons denkjen,

woo dia die daut kjeem, waut du deetst,

woo dien Sän die jehorcht

un aum Pol fa ons storf

un waut dit fa ons noch mol meent.

Daut Leesjelt bediet eewjet Läwen,

brinjt Radunk von Sinden un Doot.

Dankboa hool wie em Denkj,

waut du friejäwrich schenkjst

derch dien’ Sän sienen Kjarpa un Bloot.

 3. Vondoag sent wie ver die vesaumelt,

du kroachst ons soo leeftolich han,

toom die lowen un ier’n un daut

Owentmol fier’n.

Jo, die un dien’ Sän saj wie Dank.

Daut Aundenkjen aun Jesus Christus,

daut stoakjt ons em Gloowen, jeft Moot.

Jieda Dach well wie doon’, waut dien Sän ons befool,

wiels dan kjemt ons sien Opfa togood.