1) Dikh, Jehova, andal o tronos,

sar leperas pre kodi rat.

Sikavel, savo sal. Igen but, hoj diňal.

E laska, hoj presikaďal.

O rat le barankostar pesach

zachraňinďa o Izrael.

Tiro Čhavo avľa. Draho rat, so diňa,

večno zachrana mange anel.

2) Hoj but poťinďal vaš amenge,

o maro, e mol sikavel.

Diňal vernone Čhas, lestar but sikhľuvas,

sar ov, kamas ajse te el.

Adaďives raťi leperas

pro dukha, so predžiďiľa,

sar igen cerpinďa, amen avri cinďa,

verno sas, kerďa sa, so kampľa.

 3) Dikh, zgeľam pes, sam jekhetane!

Avľam, bo amen vičinďal.

Ajso lačho tu sal, zachrana bičhaďal,

o ščiro jilo sikaďal.

Pre pametno slavnosť doavľam,

jile labon radosťatar!

Te pal Kristus phiras, dživas sar dživelas.

Večno životos chudas tutar.