1. Jéhovah, Babâ kâ na yayu,

bï so ayeke nzoni-kue!

Ngbene ye giriri, mo fa ndoye ti mo,

ndara nga na ngangu ti mo.

Azo ti Israël ate Pâque,

na mo zi ala kue na ngbâa.

Na pekoni, Christ aga, lo kui ti tene

prophétie so aga tâ tënë.

2. Mapa nga na vin so aduti

fä ti fini ti Jésus Christ.

Nzoni bê so mo fa

ti mû molenge so,

ti kui ndali ti e azo.

Zia si e bata Mémorial so;

zia bï ti laso adabe

na ye so mo sara

so ndali ni a zi

ngbanga ti kuâ na li ti e kue.

 3. E bungbi oko na gbele mo.

E ga teti mo tisa e

ti sepela ndoye ti mo so Christ afa,

ti ne mo, ti ne Jésus nga.

Mémorial so amû gloire na mo,

nga amû ngangu na e kue.

Zia e mû tapande so Christ azia lani,

ti gbu fini ti lakue lakue.