1. Ai Yahwe Ruhanga waitu,

Ekiro kinu kikuru.

Ira muno okoleka okugonza,

Obwinganiza, n’amaani.

Omwana gw’entaama gukaitwa,

’Bantu baawe bacungurwa.

Na Yesu akahayo obwomeezi bwe

Kuhikiiriza obunabbi.

2. Omugaati na viini binu,

Bitwijukya omuhendo,

Ogw’ekicunguro

eky’Omwana waawe,

Ayalinzir’o bwesigwa.

Rwebagyo runu nitwijuka,

Okufa kw’Omwana waawe,

Ayahaireyo

obwomeezi bwe nukwo

Twomeere ebiro n’ebiro.

 3. Twizire omu maiso gaawe

Kwoleka ngu nitusiima,

Habw’okugonza

okuwatwolekere

N’ohayo Omwana waawe.

Omukoro gunu mukuru,

Gutugarramu amaani.

Tugendere omu bigere bya Kristo,

Nukwo twomeere ’biro byona.