1. Jihova, Ọghẹnẹ r’avwanre.

Ọnan’ason r’oghẹresan.

Wẹw’Ohwo r’uyota, wo dj’ẹguọnọ vwọphia,

Wo dj’ẹgba v’aghwanre wẹn phia.

E hw’omogodẹ r’Ọwanvrẹ na,

Ihwo wẹn de rhi vw’usivwin.

A vw’omogodẹ na vwo dji Jesu Kristi,

Ro rhi ghwu vwọ k’avwanr’ejobi.

2. Jesu vw’arhọ rọyen kpahotọ;

Ọnana y’okẹ rọ ma rho.

Jesu vwọ rhi’akpọ na,

o nyupho r’Ọghẹnẹ,

O de ji ghwu vwọ k’avwanre.

E gbe j’avwanre karophiyọ

Ẹguọnọ ro dje k’avwanre.

Ughwu rọyen na

kọyen t’avwanre hirhe.

E je ru’ẹkarophiyọ rọyen

 3. Avwanre kokori vw’etinẹ.

Wẹwẹ yin durhi’avwanr’eje.

Avwanre jir’uwe

fikir’ẹguọnọ wẹn,

Ji vw’akpẹvwẹ vwọ k’Ọmọ wẹn.

Biko gbe j’Ẹkarophiyọ na

Ghw’urinrin v’ọghọ rh’odẹ wẹn.

E gbe ja vwẹrokeri Jesu ọkieje,

E se vwo vw’arhọ ri bẹvwẹdẹ.