1. Jéeoba, tsʼoʼok k-muchʼtal way ta táaneʼ.

Bejlaʼeʼ junpʼéel áakʼab kiliʼich.

Toʼoneʼ jach kiʼimak k-óol k-kʼaʼajsik le yaabilaj

ta weʼesaj yoʼola wutsiloʼ.

Tu jaantoʼob u tamanil Pascua,

teʼ kʼiinoʼ xuʼul u muʼyajoʼob.

Ka máan kʼiineʼ Jesuseʼ tu tsʼáaj u kuxtal

tiaʼal ka béeyak baʼax kiaʼalik a Tʼaan.

2. Le waaj k-ilik yéetel le vinooʼ

ku beetik u kʼaʼajal tiʼ toʼon

jach táaj koʼoj u tojol baʼax tu beetaj a Paal.

Tu yóotaj u tsʼáa u kuxtal.

Le oʼolal maʼ t-tuʼubsik le kʼiinoʼ,

t-puksiʼikʼal kun pʼáatal mantatsʼ.

Yéetel yaʼab kiʼimak óolal táan k-kʼaʼajsik, Jéeoba,

bix ta jáalkʼabtiloʼon tiʼ kʼeban.

 3. Jéeoba, yéetel yaʼab kiʼimak óolal

juntéen maas tsʼoʼok k-láaj muchʼikba

utiaʼal k-kiʼikiʼtʼantkech úuchik a weʼesiktoʼon

bukaʼaj nojchil a wutsiloʼ.

Le kʼiinbesajaʼ jach ku yáantkoʼon

utiaʼal k-tsʼáaiktech gracias, Jéeoba.

Toʼoneʼ k-kʼáat k-tsʼoʼokbes baʼaxoʼob tu kaʼansaj Jesús

tiaʼal ka béeyak k-kuxtal naʼan u xuul.