KWI 23
Yaweh Nsi toʼde netô
-
1. Nufen Nsi tshwèt ntô mve tù.
Bag bin nyàmde mbùʼ nze tù.
Kristô mve Sion, loñ tôgndà, bèn mbe Mven
Kà mènntùn tshag nze i nsi.
Be tsiañde, njob zebe Nsi.
Kristô Tshùaben, ngatshuʼ
ben yà koʼ num diañfen.
(DÙʼ NEBWÔGDE)
Oaʼ seʼ bo ke, Nufen Yaweh Nsi?
Nunetsin bo nenùn ze ndùb.
Mbèn nseʼ bo ke, Nufen Yaweh Nsi?
Yôg matmat bo tsiañde ke ndù.
Ghamde Tshùaben mve kamànyam
Num ze nkôni bo bwôntù.
-
2. Kristô yà koʼ num diañfen,
Armagédon yà ghepte.
Njwèn njù Satan yà zin nkum mà ngoñ fi.
Bag bin nèn nàfaʼ njobe.
Bwoñ ben tshwèt mbéb ntum tsiañde;
Ngelañ ze ba fà
wut nsi tsin nyam i sènni.
(DÙʼ NEBWÔGDE)
Oaʼ seʼ bo ke, Nufen Yaweh Nsi?
Nunetsin bo nenùn ze ndùb.
Mbèn nseʼ bo ke, Nufen Yaweh Nsi?
Yôg matmat bo tsiañde ke ndù.
Ghamde Tshùaben mve kamànyam
Num ze nkôni bo bwôntù.
-
3. Kuʼni Mven Yaweh tshoʼ là.
A kuni nkéʼ ntshùa ba nsa.
Be bag wut nsi; A tshwèt nseʼ bo lén Nsi.
Tsho ndà ghamde zebe Nsi;
Leʼde nebe taʼ nshun i.
Ngelañ tshwèt nseʼ ze
njoñ njù fa sweʼ nsi mbwe i.
(DÙʼ NEBWÔGDE)
Oaʼ seʼ bo ke, Nufen Yaweh Nsi?
Nunetsin bo nenùn ze ndùb.
Mbèn nseʼ bo ke, Nufen Yaweh Nsi?
Yôg matmat bo tsiañde ke ndù.
Ghamde Tshùaben mve kamànyam
Num ze nkôni bo bwôntù.
(Mbèn ndôde 2 Sam. 7:22; Dan. 2:44; Apok. 7:15.)
