UNE 23
Jihova Ton Usuon Phiyọ Re
-
1. Uvie r’Ọghẹnẹ suẹn re,
E je jir’Ọmọ rọyen.
Jesu che sun vwo n’obodjuvwu rhe.
Ja sune jir’Ọghẹnẹ,
Une r’omavwerhovwẹn.
A reyi Jesu vwo mu’Ovie
r’akpọneje.
(EKUO)
Die y’Uvie na che ru k’avwanre?
O che si’oja v’ebẹnbẹn no.
Uvie nana ji che si’ughwu no,
Ke che vw’arhọ ri bẹvwẹdẹ.
E ja vw’ujiri k’Ọghẹnẹ
Fikir’ẹguọnọ rọyen.
-
2. Jesu t’usuon phiyọ re,
Amagidọn kẹrire.
Oghwọrọ r’Eshu ji sikẹri re.
E j’avwanre davwẹngba
Vwo ghwoghwota k’ihw’eje.
E ja vw’ukẹcha vwọ k’ayen
vwo mudia gan.
(EKUO)
Die y’Uvie na che ru k’avwanre?
O che si’oja v’ebẹnbẹn no.
Uvie nana ji che si’ughwu no,
Ke che vw’arhọ ri bẹvwẹdẹ.
E ja vw’ujiri k’Ọghẹnẹ
Fikir’ẹguọnọ rọyen.
-
3. J’avwanre jiri Jesu,
E ja vw’urinrin vwọ kẹ.
E je muọghọ vwọ k’Ovie r’avwanre.
E gbe ja kpẹvw’Ọghẹnẹ
Vwọ k’ebruphiyọ rọyen.
Uvie ri Jesu Kristi che
su’akpọneje.
(EKUO)
Die y’Uvie na che ru k’avwanre?
O che si’oja v’ebẹnbẹn no.
Uvie nana ji che si’ughwu no,
Ke che vw’arhọ ri bẹvwẹdẹ.
E ja vw’ujiri k’Ọghẹnẹ
Fikir’ẹguọnọ rọyen.
(Ji ni 2 Sam. 7:22; Dan. 2:44; Ẹvwọ. 7:15.)