1. Lévé zyé’w èk gadé,

sa ki anho tout lòt mòn.

Montany Jéhova, Dyé nou,

I ho, I magnifyé.

Moun ka sòti byen lwen,

toupatou owon latè,

yo ka di yonn a lòt,

‘Annou sèvi Bondyé.’

Pas lè-a ja wivé

pou ti nasyon-an sa pwofité.

Pas nou ka fè pwogwé,

nou sav nou ni Lèspwi Sen Bondyé.

An pil moun ka vini

pou sèvi Dyé Jéhova.

Yo vlé wèsté fidèl

épi sèvi’y pou tout tan.

 2. Jézi konmandé nou

pou pwéché Pawòl Bondyé.

Tout bon nouvèl Wéyòm-lan,

di tout moun toupatou.

Jézi sé Wa an syèl;

obéyi’y èvèk kouté’y.

Tout moun ki ka tann vwa’y;

fè volonté Jéhova.

I ka ban nou lajwa

pou wè otan moun ka sèvi Dyé.

Nou tout ka fè éfò

pou édé lòt moun konnèt Bondyé.

Annou lévé vwa nou

épi di tout moun nou jwenn,

‘vin asou Mòn Jéhova;

sé la nou kay wèsté.’