LIED 24
Kom na die berg van Jehovah
-
1. Kyk, Jehovah se berg,
bo die heuwels troon dit uit.
Stewig staan dit gevestig,
hoog verhef in ons dag.
Nasies stroom nou daarheen;
hulle kom van oraloor
en sê: ‘Kom, laat ons opgaan;
op Gods woord slaan ons ag.’
Ja, die tyd het gekom
dat ’n magtige volk moet verrys.
Ons bly groei en floreer;
van Gods seën sien ons daagliks bewys.
Skares kom nou na God
en aanvaar sy oppermag.
Altyd sal hul lojaal bly
en hom dien dag en nag.
-
2. Jesus gee die bevel:
‘Preek oor God se Koninkryk.’
Nou word die goeie nuus aan
elke mens uitgedra.
Christus nooi almal uit:
‘Ondersteun my heerskappy.’
Skape gehoorsaam hom;
hul doen graag net wat hy vra.
O, hoe goed om te sien
dat Jehovah se volk aanhou groei.
Elkeen doen dus sy deel;
ons hou aan om van ywer te gloei.
Kom, verhef nou jou stem;
roep nou uit dat almal hoor:
‘Gaan op na God se berg,
dit sal vir ewig bly staan.’
(Sien ook Ps. 43:3; 99:9; Jes. 60:22; Hand. 16:5.)