24 ÜLKANTUN
Küpange Jewba tañi fütra wingkul mu
(Isaías 2:2-4)
-
1. Chaw Dios tañi wingkul
wenteley kakelu mu,
kom trür adkintuaiñ
fey ñi alüpüralen.
Wall Mapu mülelu
trür mangeluwkey engün:
“Faw ta poyeafiyiñ may
Chaw Dios nor piwke mu”.
Dew akuy chi antü
ñi tremal ti pichingefulu,
fey iñchiñ feypiaiñ,
Chaw Jewba ta kümelkakeeiñmu.
Pu ñom piwkengelu
llowkeyngün ti rüf dungu.
Chaw Dios ñi Ngünenien mu,
nor piwkeyefingün.
-
2. Chaw Jewba ñi Fotüm,
fey elfalkünukeeiñmu:
“Kom wall Mapu püle
yeaymün tati rüf dungu”.
Kristo ñi Ngünenien,
kom iñchiñ mangelkeeiñmu:
“Chaw Dios tañi Dungu mu
kom allkütupaymün”.
Fey tüfa müleiñ
ñi llowal Chaw Jewba ñi ngülam,
ka fentren ayüwün
ñi pefiel kom tañi kümelkan.
Kom newen mu iñchiñ,
fey amuldungukeiñ:
“Chaw Dios tañi wingkul mu
trür pürapuaiñ”.
(Kafey papeltuafuymi Sal. 43:3; 99:9; Is. 60:22; Hecho 16:5).