1. Sachetá o kúna,

Asetáán ekkewe chuuk.

A nóm chukun Jiowa

A útá lón kei rán.

Aramas ra feito

Seni ekis meinisin,

Ra apasa lefiler,

‘Sa angang ngeni Kot.’

A war ewe fansoun

Ewe mwú mi kis a lapóló.

Atun lalapelóón,

Sa kúna pwe Kot a emmweni.

Million ra fiti Kot

Etiwa an nemenem

Pwon pwe repwe tuppwél

Nge resap riki seni.

 2. Jesus a allúkú

Feiló afalafala.

Kapas allimen Mwúún Kot

Ngeni iir meinisin.

Kraist a nennemenem

Pesekich le peni i.

Paipel a emmweni

Iir mi rong ngeni Jesus.

Sia mmen pwapwa ren

Lalapólóón ewe mwich mi lap.

Sa álillisfengen

Le esilei ngeni meinisin.

Sipwele léúwommóng

Le kéri iir meinisin

‘Feito wóón chukun Kot ei,

Me nómoffóchóló.’