MWENGE 24
Ya o mudongo ma Yehova
-
1. Mama miso̱, ombwa
Mudongo ma Yehova.
Omo̱ń mu sumbame̱
o sas’a mine̱ me̱se̱.
O mińa misukan,
Matumba ma masula
Oten bā ná:
“To̱ jale bolea Yehova.”
Ponda nin ná tumba
Disadi di timbe dinde̱ne̱.
Loba a mombwea
Na namse̱ baboledi bao.
Lodun le o kasa
Byanedi ba Yehova.
Be̱se̱ ba kakan o
bolea mo̱ bwindea.
-
2. Yesu anedi ná:
‘Bińo̱ langwa Eyala.’
Myango ma bwam be̱se̱ be
o senga nin we̱nge̱.
Kristo a manea,
Be̱se̱ ba sue̱le̱ mo̱.
Doi la Loba le o
lee̱le̱ bapī ngea.
Dimuti dinde̱ne̱
Di mabenga to̱ndo̱, se̱ mutam.
Di mawe̱ o bola
Ná be̱se̱ ba senge min myango.
Jase̱ madoi o mo̱ń,
Di langweye be̱se̱ ná:
‘Bińo̱ to̱ jabwe o
mudongo ma Yehova.’
(Ombwa pe̱ Mye. 43:3; 99:9; Yes. 60:22; Bebolo 16:5.)