1. Nyob puag tid nej puas pom,

Muaj ib lub roob siab tshaj cov.

Leejtwg xav nce mus rau saum

Vajtswv lub roob los tau.

Tej neeg nyob ze thiab deb,

Sau nthwv tuaj mus ua ib ke.

Ib leeg hais rau ib leeg tias,

Kav tsij mloog Vajtswv qhia.

Yehauvas qhia rau peb,

Nws yuav sau txhua haiv neeg los ua ke.

Nws yuav qhia kom peb paub,

Txoj hau kev nws xav kom txhua tus taug.

Txhiab leej los cuag Vajtswv,

Lawv yuav cia nws kav nws tswj.

Lawv yuav ua neeg mloog lus

Thiab nrog nraim Vajtswv tsis nrug.

 2. Tswv Yexus sam hwm tias,

Kav tsij tawm mus tshaj mus qhia

Vajtswv lub tseem fwv rau neeg

Kom lawv paub thiab los ntseeg.

Nws hais rau txhua tus tias,

Los mus nyob rau kuv sab kiag.

Cov neeg muaj lub siab mos,

Ces yeej yuav tig ntsej kiag los.

Peb zoo siab kawg nkaus li,

Thaum peb pom txhua haiv neeg los huvsi.

Qhia kam tiag, txhob tso tseg,

Lawv thiaj tau los nrog peb nyob ua ke.

Tsa suab hu kom nrov nrov,

Txhua leej txhua tus thiaj li hnov,

Mus saum Yehauvas lub roob,

Nws yuav qhia rau peb mloog.