1. Monti di Jeová

La di riba tudu sta.

Ka ten monti más altu

Gósi n’es ténpu li.

Gentis di txeu nason

Sta ta ben pa ben subi-l

Ta fla se kunpanheru:

‘Ben i subi ku mi.’

Jeová é ki fla:

Poku‿algen ta biraba na mil.

Nu sta‿odja-L t’omenta-l

I ningen ka ta pode‿inpidi-l.

Oji monti d’algen,

Ki dja txiga na milhons,

Djuntu sta‿adora Deus

N’es monti ku union.

 2. Kristu fla pa nu bai

Fla mensaji di se Pai,

Prega ti na lugar

Más lonji ki pode ten.

Gósi dja el é Rei

I‿através di pregason,

El sta ta djuda mansus

Odja m’es ten ki ben.

I txeu d’es sta ta ben.

Nu ta xinti filís di odja-s.

I ses vós ku di nos

Sta ta djunta pa txoma‿inda más.

Gósi dja nos é txeu,

Tudu djuntu nu ta fla:

‘Forsa, nhos ben, nu subi

Monti di Jeová.’