1. Beno tombula ntu,

Mpi beno tala kuna,

Ee ngumba ya Yehowa

Yo kele nda mingi.

Bantu’a ke katuka

Bisika yonso mpenza,

Ke tubana bo na bo,

‘Be sadila Nzambi.’

Kimvuka ya fioti

Ke kuma dikanda ya nene.

Beto ke yela mpi

Ke landa lutwadisu’a Nzambi.

Bantu ke kwisa mpi

Bo ke ndima Kimfumu.

Bo ke sila nde bo

Ta vanda ya kwikama.

 2. Yezu pesaa nsiku

Ya kukwenda kulonga

Mpi kusamuna nsangu

Ya Kimfumu bubu.

Kristu ke yala mpi

Ke songa bantu yonso

Ya kudikulumusa

Na kulanda yandi.

Beto ke wa kiese,

Sambu kimvuka ya nene ke

Landa na kuyela.

Beto ke sadisa bantu na

Kuzaba Yehowa;

Beto ke songa bo nde,

‘Beno kwisa na ngumba

ya Yehowa Nzambi.’