LWIMBO 24
Izini ku Mwamba Wako Yeova
-
1. Mwensi katusyini
Manso inu mulole
Mwamba wakwe Yeova;
Waluta yonsi pyu.
Antu mu nko zyonsi
Yakwama na yauze,
Yati, ‘Izini mwensi
Mwaombela Leza.’
Insita yafika
Ya kuti anono yavule.
Nakapya swensi pyu
Leza akutupaala cuze.
Antu mintapendwa
Yakwiza kuli Leza.
Lyonsi yaaya acumi;
Yatalafumako.
-
2. Yesu watutuma
Ukulasimikila
Landwe ilisuma
Lya Wene kuli yonsi.
Klistu akuteeka,
Akwama antu yonsi
Yize yuvwe vino
Akatusambilizya.
Tukaya ni nsansa
Kulola antu yakuvula.
Alino swensi pyu
Tukanenako na ’ntu yonsi.
Twalukulaizya
Pakuti yonsi yuvwe.
Twati, ‘Izini ku mwamba
Wakwe Yeova.’
(Lolini na Masa. 43:3; 99:9; Eza. 60:22; Mili. 16:5.)