1．攑頭做夥來看，

耶和華偉大聖山，

此陣受人的意愛，

超過多多的山。

萬民盤山過嶺，

大家相招做夥行；

「緊來！崇拜耶和華！」

聲勢愈來愈大。

指定的時間到，

卑微的國欲成做強盛，

耶和華伊賜福，

此個國才會當即興旺。

千千萬萬的人，

來到耶和華的山，

忠貞支持伊統治，

擁護伊到永遠。

 2．耶穌吩咐門徒，

著宣揚上帝的國。

眼前聖經好消息，

已經傳遍四方。

基督天頂作王，

著愛趕緊來擁護；

謙和的人有行動，

全力跟綴耶穌。

阮內心真歡喜，

多多人加入上帝組織；

去傳道，真榮幸，

會當幫助人得著永生。

緊來做夥贊聲，

宣揚上帝的聖名，

同齊上伊的聖山，

敬拜伊到萬代。