NEKUIKATIL 24
Maj tiyakan itech tepet tein iaxka Jiova
(Isaías 2:2-4)
-
1. ¡Nochin, xikitakan
tepet tein iaxka Dios!
Yejua okachi ueyi
ke nochi oksekin.
Miakej youij ompa
uan chikauak kijtouaj:
“¡Tiyouij, maj nochin
tiktekitilitij Jiova!”.
Kemej Dios kijtojka,
tein tsikitsin ueyi mochiuas.
Semi ueyi xolal
tein Jiova kitatiochiuia.
Miles motokiaj
iuan toTajtsin Jiova.
Senkis mokauaj maj yejua
kinixyekana.
-
2. Cristo technauatij
maj titanojnotsakan.
Senkis maj tikchiuakan
nejin ueyi tekit.
Cristo tayekantok,
noyampa tikijtoskej.
Yejua techualkuilis
miak tatiochiualis.
¡Nipaki nikitas
maj ixolal Dios momiakili!
Mojmostaj nikchiuas
tekit tein Dios nechnauatia.
Akin yolyemankej
senkis nikinyoleuas:
“¡Tiyouij, itech chipauak tepet
titejkoskej!”.
(No xikonita Sal. 43:3; 99:9; Is. 60:22; Hech. 16:5.)