NCIPO 24
Rwaani, Nwele va Mwaako wa Yehova
(Isaiya 2:2-4)
-
1. Rwaani nyu oothene
Munamwaavya Muluku:
Moone orakama
Wa mwaako wa Yehova.
Rwaani nyuwo achu
A maloko oothene,
Mwiiwe ohusiha
Wa Muluku Yehova.
Nihiku noophiya
Wi Yehova athukumanye
Muloko veelapo
Wa ale anamwiiwelela.
T’achu ancipale
Anaya wa Yehova,
Yaawo anachuna
Okhalano okumi.
-
2. Yesu ooniruma
Olaleerya michaka.
Achu esuwele
Wi Omwene woophiya;
Kristu vano Mwene,
Onlamula wirimu.
Moone omwaleela
Wa munyukhu wa Yesu!
Muluku aaloca
Vawi mahiku ookuchula,
Michaka yaphaama
Inamusareya veelapo.
Hankooni vamoha
Oothene niwiichane:
‘Rwaani muweleke
Va mwaako wa Yehova.’
(Moone tho Sal. 43:3; 99:9; Isa. 60:22; Saw. 16:5.)