24 ЗАРӔГ
Ссӕуӕм Йегъовӕйы хохмӕ!
-
1. Мӕнӕ иу хох ысси
Хӕхты цъуппытӕй уӕлдӕр –
Фидар ӕвӕрд ӕрцыди
Ныр Йегъовӕйы хох.
Адӕм уырдӕм цӕуынц
Зӕххы ’ппӕт кӕрӕттӕй дӕр,
Кувынц Хуыцауӕн иумӕ,
Уый сын у цины хос.
’Рцыд рӕстӕг! Ныр кӕсут –
Равзӕрд армыдзаг адӕмӕй мин.
Стыр Хуыцау се ’ххуыс у,
Ӕмӕ ’рцарди сӕ зӕрдӕты цин.
Минтӕ абон цӕуынц
Стыр Хуыцау Йегъовӕмӕ.
Раттынц ныхас, ӕмӕ
Лӕууынц Хуыцаумӕ ӕнгом.
-
2. Радта Йесо фӕдзӕхст:
«Дзурут алкӕм хорз хабар».
Абон ӕгас зӕххыл дӕр
Ацы куыст мах кӕнӕм.
Йесо ныр Паддзах у,
Хоны алкӕй: «Слӕуу мӕ фарс!»
Хъусы сӕрныллӕг ныр
Хуыцауы раст амындтӕм.
Цин кӕнӕм абон мах,
Бонӕй-бонмӕ кӕй кӕнӕм фылдӕр!
О, цӕй кад нӕм ӕрхауд:
Дзурӕм хорз хабар алкӕмӕн дӕр!
Цӕй ’мӕ зарӕм хъӕрӕй,
Немӕ хонӕм алкӕй дӕр:
«Ссӕуӕм Хуыцауы хохмӕ,
Уый ӕнустӕм лӕудзӕн».
(Ноджыдӕр кӕс Пс. 43:3; 99:9; Ис. 60:22; Хъуыд. 16:5.)