24 KAQ TAKI
Hamuychik Diospa kasqan urquman
-
1. Hamuy kayta qaway,
suma-sumaq urqumá,
wakin urqumantapas
aswan hatunraqmá.
Achka runakunam
chayman rispa nillanku:
‘Hamuy, kaypimá yachachisqa
kasun’, nispa.
Aslla kaqkunaqa
waranqañam kunanqa kachkan,
aslla kaqkunaqa
hatun nacion hinañam kachkan.
Lliwmi paykunaqa
Diosllata kuyaq kanku,
lliwmi paykunaqa
Diosman sunqulla kanku.
-
2. Hinam willakuna
sumaq willakuytaqa,
chayqa Jesuspa kama-
chikuy saqisqanmi.
Payqa munachkanmá
lliw uyarinankuta,
allin ñanpi kaspanku
allin kanankuta.
Achkaña kasqankum
Jehova Diosninchikta kusichin,
achkaqta qawayqa
ancha-ancha kusikuypaqmá.
Chaymi llapallanman
willakuspa ninanchik:
‘Hamuy, Diospa llaqtanman
pasakamuy’, nispa.
(Qawariytaq Sal. 43:3; 99:9; Is. 60:22; Hech. 16:5).