CANCION 24
Jehova Diospa urcuma sicashunchi
-
1. Diospa urcutaga
sumac acta ricuichi.
Cunan Jehovahua urcullami
mas atun an.
Ashca runaguna
cai urcuma sicanaun.
Diosta adorangahua
cushilla shamunaun.
Ichilla llactahua,
atun llactami tucushca an.
Cai llacta mirashca.
Dios rimashca pactarishcami.
Ashca runaguna
Jehova Diosta casunaun.
Tucui shunguhuan
paillatami alabanaun.
-
2. Cristo mandashcami
Diosmanda cuintanata.
Acu. Tucui shunguhuan
caita pactachishun.
Cunan punzhaibiga
Jesusca ñami mandaun.
Paimi huiñai causaihuan
bendiciai tucushun.
Jehovahua llactama
ashcaguna shamuungunami.
Chimanda, uctalla,
Bibliamanda yachachishunchi.
Mansu runataga
cushiyasha cayanchi:
“Acu. Jehova Diospa urcuma
sicashunchi”.
(Caitahuas ricui Sal. 43:3; 99:9; Is. 60:22; Hech. 16:5).