1. Kpar’opharo kpenu.

Mr’ugbenu ri Jihova,

Ro me kpenu kparobọ

Vw’ọke r’avwanre na.

Ihwo vw’akpọneje,

Vwevunr’ẹkuotọ n’eje,

Ayen ki durh’ihwo

ne rhe vw’ẹga k’Ọghẹnẹ.

Ọke na te nure,

Imihwo cha di’ẹgborho rode.

Re vwo buẹnphiyọ na,

A cha mr’ebruphiyọ r’Ọghẹnẹ.

Ihwo buebun nana

Vw’ẹga vwọ ki Jihova,

Ayen fuevun vwọ kẹ,

Je vwomakpotọ vwọ kẹ.

 2. Jesu yin j’urhi na

Ne re ghwoghwota k’ihwo;

Ovuẹ r’Uvie r’Ọghẹnẹ

Y’avwanre che ghwoghwo.

Jesu Kristi suẹn re,

O vw’ẹguọnọ r’ihw’eje;

Ihwo ri nyupho rọyen,

Re djoshọ r’Ọghẹnẹ.

Ọn’emu r’aghọghọ R’ihwo

r’Ọghẹnẹ vwo buẹnphiyọ.

J’avwanre davwẹngba

Vwọ vw’ukẹcha vwọ k’ihwo n’eje.

E gbe j’avwanr’eje

Durh’ihwo rhe g’Ọghẹnẹ

Vw’ugbenu ri Jihova

Rọ cha dia bẹvwẹdẹ.