KʼAAY 26
Ta wáanten yéetel yaabilaj
-
1. Le uláakʼ tamanoʼob yaan tiʼ Yuum Jesusoʼ
yéetel yaabilaj táan u múul meyajoʼob.
Táan u yáantkoʼob le yéeyaʼanoʼob teʼ kʼiinoʼobaʼ.
Le oʼolal Jesuseʼ yaan u yaʼaliktiʼob:
(CORO)
«Kéen a tsʼáa tiʼ letiʼob le baʼax kʼaʼabéetoʼ
táan a weʼesik tiʼ teen jach a yaabiltmen.
Mu tuʼubultecheʼ le kéen a wáantoʼobeʼ
jach u jaajileʼ táan a wáantiken,
táan a weʼesik tiʼ teen jach a yaabiltmen».
-
2. «Le ka kʼaʼabéetchajeʼ ta tichʼajten a kʼab,
ta kʼamen ta wotoch, ta wáanten mantatsʼ.
Mix juntéen ta pʼaten le ka wiʼijchajenoʼ.
Teneʼ yaan in boʼotiktech a meyajoʼ».
(CORO)
«Kéen a tsʼáa tiʼ letiʼob le baʼax kʼaʼabéetoʼ
táan a weʼesik tiʼ teen jach a yaabiltmen.
Mu tuʼubultecheʼ le kéen a wáantoʼobeʼ
jach u jaajileʼ táan a wáantiken,
táan a weʼesik tiʼ teen jach a yaabiltmen».
-
3. «Mix juntéen ta pʼaten yéetel chúukpaj a wóol.
Ta sen áantin sukuʼunoʼob teʼ kʼaʼaytajoʼ.
Waʼalakech túun tin x-noʼoj —yaan u yaʼalik Jesús—,
teneʼ yaan in síiktech kuxtal naʼan u xuul».
(CORO)
«Kéen a tsʼáa tiʼ letiʼob le baʼax kʼaʼabéetoʼ
táan a weʼesik tiʼ teen jach a yaabiltmen.
Mu tuʼubultecheʼ le kéen a wáantoʼobeʼ
jach u jaajileʼ táan a wáantiken,
táan a weʼesik tiʼ teen jach a yaabiltmen».
(Ilaʼak xan Pro. 19:17; Mat. 10:40-42; 2 Tim. 1:16, 17.)
