1. Wie is u vriend, o God?

Wie mag in u tent woon?

Wie ken u goed? Wie kan u vertrou?

Wie nader tot u troon?

Almal wat in u glo,

dié wat u Woord aanvaar.

Al die lojales, lief vir die reg,

wat hul aan u kant skaar.

2. Wie is u vriend, o God?

Wie wandel met u saam?

Wie bring u vreugde, maak u hart bly?

Wie ken u by die naam?

Almal wat u naam eer,

dié wat u loof en prys.

Al die getroues, eerlik van hart,

wat doen wat u vereis.

3. Ons gee ons las vir u,

ons buig ons voor u neer.

U trek ons nader, bind ons ook saam;

ons voel u liefde teer.

Vriendskap met ons groot God,

kweek ons dus yw’rig aan.

Geen groter Vriend kan ons tog ooit hê,

geen groter Vriend bestaan.