1. ?Wan y’ɔ ti ɔ janvuɛ,

M’ɔ́ trán ɔ sua’n nun ɔn?

?Wan yɛ ɔ si wɔ kpa m’ɔ kwla yo

Ɔ janvuɛ titi ɔ?

Sran ng’ɔ fa ɔ Ndɛ’n su,

M’ɔ lafi ɔ su kpa,

Sran nanwlɛfuɛ, seinfuɛ m’ɔ nanti

Ɔ mmla’n i su’n niɔn.

2. ?Wan y’ɔ ti ɔ janvuɛ,

M’ɔ́ trán ɔ wun lɔ ɔ?

?Wan y’ɔ ti kpa, m’ɔ jɔ ɔ klun ɔn?

?Wan yɛ a si i ɔ?

Sran ng’ɔ yi wɔ ayɛ’n,

Mɔ ɔ fa ɔ Ndɛ’n su’n,

M’ɔ klo sa sɛsɛ yolɛ’n m’ɔ ti

Sran nanwlɛfuɛ’n niɔn.

3. Sa kwlaa ng’ɔ o e su’n,

E fa wla ɔ sa nun,

E lafi ɔ su, nian e lika,

Kpɛkun klo e titi.

Kɛ e tra ɔ janvuɛ’n,

Ɔ yo e ye dan kpa.

Awlanmannun’n janvuɛ tralɛ sɔ’n,

Leman wunsu mlɔnmlɔn.