1. Pathian na hawi ho si?

Biakinn chung um hngami?

Ṭha te’n na hngalhmi, na komhmi le

Na zumhmi hodah si?

Na Bia a duhmi le

Nangmah aan zummi hna,

Zumhawk a tlakmi le a dingmi,

Biatak zulmi an si.

2. Pathian na hawi ho si?

Aho nih dah aan naih?

Aho nih dah na lung aan lawmhter?

Hodah na hngalhmi si?

Na min a upatmi,

Na nawlbia a ngaimi,

Zumhawktlak, miding, bia hmaan chimmi,

Vialte na hawi an si.

3. Lungretheihnak phuang in,

Lungtak in thla kan cam,

Na dawtnak hri fek in na kan hnuh,

Nitin na kan zohkhenh,

Nangmah he hawikom si,

A zungzal in kan duh.

Nangmah nak ṭha deuh hawi an um lo,

A ṭha bikmi na si.