1. Weer, Yeehoowa, khan

Tayn liipe froynte sin?

Weer kefalt tich un is pay tich?

Weer tich wërklich liipt?

Yeete woo fest fertraut,

Un xtarke klaape hot.

Al woo sayn leepe in te aat nemt,

Soo wiis tuu saast, oo Kot.

2. Weer, Yeehoowa, khan

Froyntxaft mit tich se hon?

Weer tich froo macht? Weer tich khënt?

Weer ticht pay tich khomt?

Al tii woo tayn kesëts

Liipe un heere tuun;

Xpreche un mache was richtich is,

Sin eerlich, troy un kuut.

3. Heer, Yeehoowa Kot,

Unser kepeete aan.

Tas is fer uns een xeene kexenk,

Froyntxaft mit tich se hon.

Soo liip pist tuu mit uns,

Khimerst tich wërklich fiil.

Aan tich mer traue un wole kërn

Tayn froynte imer sin.