1. Nawˬ awˬ chawˇ a shu le?

A shu nawˬ yehˬ chehˇ le?

Nawˬ htaꞈ meuˆ daꞈ ve chaw a shu le?

A shu nawˬ htaꞈ gʼaˇ va?

Yawˇ lehˬ yonˍ ve chaw hui,

Nawˬ hkawˇ htaꞈ haꞈ yuˬ ve.

Ka tiꞈ yeˬ leh hteˇ cawˇ ve chaw hui

Nawˬ awˬ pon teꞈ chehˇ ve.

2. Nawˬ awˬ chawˇ a shu le?

A shu nawˬ paˇ lo kʼai?

Nyi hkʼaˇ suh tuˬ te laˇ a shu le?

Nawˬ a shu htaꞈ shiˍ le?

Yawˇ nawˬ awˬ meh yawˆ yan,

Nawˬ ve tawˇ htaꞈ gʼaꞈ te.

Nyi ma hkʼaw ka tiꞈ yeˬ ve chaw hui,

Awˬ tehˬ tiˉ yaw ve yoˬ.

3. Ngaˬ ve dawˇ haˍ dawˇ hkiˉ

Bon lawˬ ve hkʼaw kʼoˆ ve.

Teˇ nyi le le nawˬ haꞈ shaˉ laˇ ve,

Ngaˬ nawˬ htaꞈ haꞈ maˇ la.

Nawˬ awˬ chawˇ ngaˬ hpehꞈ gaˇ,

Co co meuˆ daꞈ gaˇ ve.

Daꞈ ve awˬ chawˇ chi aꞈ kehˉ maˇ cawˬ,

Chi hkʼe daꞈ ve maˇ cawˬ.