1. Кой си торо амал

тай каске икерес?

Кой туса Девла, близко ачшол

тай каске ту дикхес?

Секой, колес иси

вяра бут зорали.

Който керел давкха со мангес

тай верно туке си.

2. Кой си торо амал?

Жи туте кас мукес?

Кой то ило бут лошанкярел?

Кас пенжарес лачшес?

Който послушно си,

винаги тут шунел,

който си те якхенде шужо,

нисар на хохавел.

3. Кана си бут пхаро,

винаги родас тут.

Те дес пико готово синян,

саворен дехес бут.

Те амала мангас,

винаги те овас.

Туса о близко амалипе,

вечно ка барярас!