1. Jehova Molimo,

U amohela mang?

E tla ba mang eo u mo tšepang

’Me e be motsoalle?

E’amohelang Lentsoe,

Ea nang le tumelo,

Ea tšepahalang, ea u ratang

Le ea nang le toka.

2. Jehova Molimo,

U rapeloa ke mang?

E tla ba mang ea u thabisang,

Ea u nyakallisang?

Ke ea u rorisang,

Ea mamelang Lentsoe

Le ea lulang a tšepahala

’Me a bua ’nete.

3. Ha re u rapela,

Oa re sireletsa,

U re rata ka pelo eohle,

Oa re hlokomela.

Re batla ho lula

Re’u rata kamehla.

Ha ho Motsoalle ea u fetang.

Ha ho ea kang uena.