WER 31
Wot Kacel ki Lubanga!
(Mika 6:8)
-
1. Wot ki Lubanga ki mwolo;
Nyut mar, dok lok lok ada.
Bed cok ki Jehovah, cung i ngete,
Wek tekone ogwoki.
Medde ki lubo Lokke me gen;
Pe ibirweny ata.
Dong wek omaki ki cinge
Winy cikke dok ilubi.
-
2. Wot ki Lubanga ki lengo;
Tam jami ma tye atir.
Kadi bed atematemane dit,
En bikonyi me kanyo.
Jami ducu ma dano pwoyo,
Jami ma tye ada,
Medde ki tamo jami man,
Lubangawa bigwoki.
-
3. Wot ki Lubanga ki yomcwiny;
Pien en aye Laremi.
Pwoye pi jami duc ma en miyo
Mot ma birii pi naka.
Wot ki Lubanga ki yomcwiny jwi;
Pakke ki wer mamit.
Wangi bimeny, ci jo biniang
Ni Jehovah en Rwotti.
(Nen bene Acak. 5:24; 6:9; Pil. 4:8; 1 Tem. 6:6-8.)