ഗീതം 33
നിന്റെ ഭാരം യഹോവയുടെ മേൽ ഇടുക
-
1. കൈക്കൊൾകെന്നെ യാഹേ,
ഞാൻ നിൻ ചാരത്തായ്‌ അണയുമ്പോൾ.
എന്നപേക്ഷ കേട്ടെന്നെ നീ
കാത്തിടേണമേ നാഥാ.
(കോറസ്‌)
യാഹിൻമേലിടൂ നിൻ ഭാരം,
ദൈവമോ കരുതീടും നിന്നെ.
ശാന്തി, സൗഖ്യം ഏകി നിന്നെ,
ദൈവം താങ്ങും എന്നെന്നും.
-
2. വാനിൽ പാറും പ്രാവെപ്പോലെ
ദൂരെ പോകാനായെങ്കിൽ,
ദ്രോഹിയില്ലാ ദേശത്തൊന്നിൽ
ശാന്തിയിൽ ഞാൻ പാർത്തേനേ.
(കോറസ്‌)
യാഹിൻമേലിടൂ നിൻ ഭാരം,
ദൈവമോ കരുതീടും നിന്നെ.
ശാന്തി, സൗഖ്യം ഏകി നിന്നെ,
ദൈവം താങ്ങും എന്നെന്നും.
-
3. എന്റെ നാഥനാം യഹോവെ
ഞാൻ വിളിക്കും, യാചിക്കും.
സാന്ത്വനം നൽകി യഹോവ
സ്‌നേഹകാവൽ നിന്നീടും.
(കോറസ്‌)
യാഹിൻമേലിടൂ നിൻ ഭാരം,
ദൈവമോ കരുതീടും നിന്നെ.
ശാന്തി, സൗഖ്യം ഏകി നിന്നെ,
ദൈവം താങ്ങും എന്നെന്നും.
(സങ്കീ. 22:5; 31:1-24 കൂടെ കാണുക.)
