1. Gud, kanna meg og royn mítt hjartalag,

í tína tryggu hond eg leggi nú mín dag.

Á góði Gud, ger reina mína sál,

so tú kanst signa meg og hjálpa mær á mál.

2. Har syndin býr, eg finni ongan frið,

og tey, ið elska lygn, eg kennist ikki við.

Lat ikki meg við óndum lata lív,

Gud, tá tú revsar tey, eitt friðarskjól mær blív.

3. Eg veit, hjá tær er allur sannleikin,

eg elski bústað tín og fari fegin inn

til altar títt at syngja tær til prís.

Mín Gud, eg biði teg, á lívsins veg mær vís.