UIKATL 34
Nochipa kuali nimitstekipanos
(Salmo 26)
-
1. Na nijneki xinechyoltlachili;
tlaj nimitsneltoka uan tlaj nitemachtli.
Xikita tlen nimoyoliljuia;
nimitstlajtlania xinechyolpajpaka.
(TLEN MOOMPAUIA)
Na axkema nimitstlauelkauas
uan nochipa kuali nimitstekipanos.
-
2. Na axkema nimosentilijtok
ika maseualmej tlen san istlakatij.
Nonemilis xijmakixti Jehová,
kiampa axnechpanos kej katli axkualmej.
(TLEN MOOMPAUIA)
Na axkema nimitstlauelkauas
uan nochipa kuali nimitstekipanos.
-
3. Ipan mochaj nijneki niitstos
uan kej nopa uelis nimitsueyichiuas.
Uan nopaya nimitsueyitlalis
uan ika notoskak nimitstlaskamatis.
(TLEN MOOMPAUIA)
Na axkema nimitstlauelkauas
uan nochipa kuali nimitstekipanos.
(Nojkia xikita Sal. 25:2).
