1. ˗Kwa kwa zuʋ̈ga dɔɔˈˈ ʒiaan ˗së ˗ta,

˗Kwa ˈgo ˈwɔn yaa ˗ʒian ˗ta.

Kwa Dë ˗Zlan ˗dhɛ ˗yö kwa zuʋ̈ˈˈ ˈgü,

ˈÖ˗ ˈgü ˗wɔn ˈsaadhö dɔ.

˗Zota ˈwɔn yaa ˈgü ˗sü kwa ˗blü

Kö ˈkwa ˗dhiiwɔn ˗nu kë.

ˈˈKɛɛ kwa zuʋ̈ˈˈ ˗së za ˗dɔ kwa ˗bha,

Kö ˈkwa ˈto Zoova ꞊zlöö.

2. ˗Kwa ˗gban ˈwɔn yaa ˗gɔ ˗sü zuʋ̈ga

˗Dhɛ kwa Dëmɛn ˗Zlan ˗gɔ.

Kwa dua ˗mü kö ˈkwa ˗Zlan ˈtɔ bhɔ,

Kö ˈkwa˗ zuö pö kwa ˗bha.

˗A ˗bha ˈtɔŋ˗ ˗nu, ˗a ˗bha ˗dhioo ˗nu,

˗Wo kwa ˗kë ˗gleŋmɛn ˈka.

˗Kwa ˗klu kwa Dë ˗Zlan gba ˗sü ˗bha,

˗Zo ˗yö ˗a ˗dhɛ ˗sü ˈka.

3. ˗Yö ˗së kö kwa zuʋ̈güwɔn ˗nu,

˗Wo kë ˈwɔn ˗së ˗nu ˈka.

˗Kwa kwa ˗zota ˗Zlan ˈˈDhiwo ˈgü,

Kö ˗yö ꞊faan nu kwa ˗dhɛ.

˗Klu ˗Zlan ˗bha ˗sü ˗a zuʋ̈ˈˈ ꞊nii ˗da,

ˈÖ kwa ˗dhɔ ˗yö ˗a ˗kë.

Kwa ˗bha ˗Zlan ˈnën ˗tɔ Zoova,

˗Kwaa ˗dhɔkë zuʋ̈ˈˈ ˈˈpuu ˈka.