1. Lil qalbna nħarsu lkoll mid-​dnub.

Is-​sors tal-​ħajja din.

Ġeħova jgħarbel qlubna lkoll

Hu jqis aħniex twajbin.

Il-​qalb qarrieqa tkun kultant

B’hekk niżvijaw b’xi mod.

Ejjew bil-​moħħ immexxu l-​qalb,

U m’Alla nżommu sod.

2. Biex ’l Alla nfittxu nħejju ’l-​qalb;

Lejh nersqu b’talb sinċier.

B’qalb grata naqsmu lkoll kull ħsieb,

U nfaħħru lill-​Missier.

Dak li jgħallimna il-​Ħallieq,

Minn qalbna b’ferħ nobduh.

Ħa nrawmu qalb leali ferm

Biex b’hekk kuljum nogħġbuh.

3. Inħarsu ’l-​qalb minn ħsieb ħażin;

U naħsbu fuq is-​sew.

U nħallu ’l Kelmtu tmiss il-​qalb,

Biex b’hekk qatt ma negħjew.

Minn dan ninsabu ċerti żgur;

Jah jgħożż ferm lill-​ġwejdin.

Għalhekk naqduh b’qalb sħiħa lkoll,

Ħbieb nibqgħu tul is-​snin.