IHUAN 38
Ọ Gha Ya Ruẹ Wegbe
-
1. Osanobua gi’odẹ ọgh’ẹmwata ma ruẹ,
Ọ na rhie ruẹ ladian vbuwe ’biebi.
Ọ bẹgh’ẹre ahoo ọgh’ẹkokoudu ruẹ.
’Rẹn keghi wa rẹn ’mwa ni mwẹ ’koata.
U yegbe ruẹ fiohan n’Osanobua;
T’ọ khian ruiyobọ nuẹ ya s’ufomwẹ.
(KORRỌS)
Esagiẹn ọghi Jesu,
ẹr’Osa ya dẹ ruẹ.
Ọ gha ruiyobọ nuẹ,
nu mieke na wegbe.
Rhun’da nọ na hoẹmwẹ ruẹ,
ọ gha gbogba ga ruẹ.
Ọ gha ruiyobọ nuẹ,
nu mieke na wegbe.
-
2. Osa y’Ovbiẹre nọ ghaan ya fiohan n’uwẹ;
Ọ hoo n’uwẹ gha mwẹ adogbannọ.
Ugbẹnvb’ọ ghi sẹtin y’Ovbiẹre ruizọese,
Gha mwẹ ’lẹkẹtin w’ọ gha rhi’ẹtin nuẹ.
Amuẹtinyan nu mwẹ ọ bẹgh’ẹre;
Ọ gha gbaroghe ’mwa hia nọ r’ọghẹe.
(KORRỌS)
Esagiẹn ọghi Jesu,
ẹr’Osa ya dẹ ruẹ.
Ọ gha ruiyobọ nuẹ,
nu mieke na wegbe.
Rhun’da nọ na hoẹmwẹ ruẹ,
ọ gha gbogba ga ruẹ.
Ọ gha ruiyobọ nuẹ,
nu mieke na wegbe.
